Messur

AKRANESKIRKJA | Kvöldmessa kl. 20. Taize-söngvar, ritningarlestur ásamt hugleiðingu og bæn. Sr. Ólöf Margrét Snorradóttir þjónar, Kór Akraneskirkju syngur, organisti er Hilmar Örn Agnarsson.

AKUREYRARKIRKJA | Prjónamessa kl. 11. Prestur er Hildur Eir Bolladóttir. Kammerkórinn Hymnodia syngur. Organisti er Eyþór Ingi Jónsson. Sunnudagaskóli í safnaðarheimilinu kl. 11. Umsjón Sonja Kro og Hólmfríður Hermannsdóttir.

ÁRBÆJARKIRKJA | Fjölskylduguðsþjónusta kl. 11. Biblíusaga, brúðuleikhús og söngur. Sr. Petrína Mjöll Jóhannesdóttir og Ingunn Björk Jónsdóttir djákni þjóna. Aðalheiður Þorsteinsdóttir leikur á flygilinn. Kaffi og spjall eftir stundina.

ÁSKIRKJA | Messa og barnastarf kl. 13. Séra Jón Ragnarsson prédikar og þjónar fyrir altari. Kór Áskirkju syngur. Organisti er Bjartur Logi Guðnason. Hressing í Ási að messu lokinni.

ÁSTJARNARKIRKJA | Guðsþjónusta kl. 17. Sr. Bolli Pétur leiðir hið talaða mál og Erla Rut leiðir tónlist og safnaðarsöng. Heit kvöldmáltíð í boði fyrir alla kirkjugesti að lokinni guðsþjónustu.

BRAUTARHOLTSKIRKJA Kjalarnesi | Fjölskylduguðsþjónusta kl. 11. Fermingarbörn þjóna ásamt sóknarpresti, sr. Örnu Grétarsdóttur, sem mun leiða stundina með aðstoð gítarsins. Allir krakkar, foreldrar, afar og ömmur eru hvött til að mæta í einhverju bleiku í tilefni af bleikum október. Við hnýtum bleika bænaslaufu við altarið og biðjum fyrir konum sem greinst hafa með krabbamein og öllum hinum líka.

BREIÐHOLTSKIRKJA | Messa sunnudag kl. 11. Sr. Pétur Ragnhildarson þjónar fyrir altari og prédikar. Félagar úr kór Breiðholtskirkju leiða tónlistina undir stjórn Arnar Magnússonar organista. Messukaffi eftir stundina.

BÚSTAÐAKIRKJA | Barnamessa kl. 11. Daníel Ágúst, Katrín Eir, Hilda, Rebbi refur og sr. Eva Björk þjóna. Jónas Þórir leikur á flygilinn. Messa með spænsku ívafi kl. 13. Edda Austmann Harðardóttir, Svava Krisín Ingólfsdóttir og Marteinn Snævarr Sigurðsson syngja, Hjörleifur Valsson spilar á fiðlu og Jónas Þórir verður á flyglinum. Séra Eva Björk Valdimarsdóttir prédikar og þjónar fyrir altari.

DIGRANESKIRKJA | Messa kl. 11. Sr. Hildur Sigurðardóttir prédikar og þjónar fyrir altari. Organisti er Hrafnkell Karlsson. Félagar úr Samkór Kópavogs leiða safnaðarsönginn. Íþrótta- og sunnudagaskóli kl. 11. Umsjón hafa Gunnfríður og Sara. Súpa í safnaðarsal eftir stundirnar.

DÓMKIRKJAN | Messa klukkan 11. Séra Sveinn Valgeirsson, Guðmundur Sigurðsson dómorganisti og Dómkórinn. Minnum líka á að alla þriðjudaga er bæna- og kyrrðarstund í hádeginu í Dómkirkjunni.

FELLA- og HÓLAKIRKJA | Guðsþjónusta sunnudag kl. 17. Sr. Pétur Ragnhildarson þjónar fyrir altari og prédikar. Félagar úr kór Fella- og Hólakirkju leiða tónlistina undir stjórn Arnhildar organista.

FRÍKIRKJAN Reykjavík | Guðsþjónusta sunnudag kl. 14. Séra Hjörtur Magni safnaðarprestur leiðir stundina.Hljómsveitin Mantra og Sönghópurinn við Tjörnina leiða tónlistina ásamt Gunnari Gunnarssyni organista. Fermingarbörn og fjölskyldur þeirra eru hvött til að mæta.

GRAFARVOGSKIRKJA | Guðsþjónusta kl. 11. Sr. Sigurður Grétar Helgason þjónar. Kór Grafarvogskirkju leiðir söng. Orgainsti er Lára Bryndís Eggertsdóttir. Sunnudagskóli er á sama tíma á neðri hæð kirkjunnar. Umsjón hafa Kristín Kristjánsdóttir djákni og Hulda Berglind Tamara. Undirleikari er Stefán Birkisson. Vörðumessa er kl. 13 í Kirkjuselinu í Spöng. Sr. Sigurður Grétar Helgason þjónar. Vox Populi leiðir söng. Organisti er Lára Bryndís Eggertsdóttir.

GRENSÁSKIRKJA | Guðsþjónusta sunnudag kl. 11. Gengið verður til altaris. Kirkjukór Grensáskirkju syngur undir stjórn Ástu Haraldsdóttur kantórs kirkjunnar. Séra Þorvaldur Víðisson prédikar og þjónar fyrir altari ásamt messuþjónum.

GRUND dvalar- og hjúkrunarheimili | Guðsþjónusta kl. 14 í hátíðasal Grundar. Prestur er Auður Inga Einarsdóttir heimilisprestur. Félagar úr Grundarkórnum leiða söng undir stjórn Kristínar Waage organista.

GUÐRÍÐARKIRKJA í Grafarholti | Sunnudag kl. 11. Sr. Leifur Ragnar Jónsson þjónar fyrir altari og prédikar. Tindatríóið syngur og spilar. Kór Guðríðarkirkju leiðir söng. Lovísa Guðmundsdóttir er kirkjuvörður. Sunnudagaskólinn alltaf á sínum stað alla sunnudaga í umsjá Maríu og Ingunnar. Kaffi, djús og kruðerí eftir stundirnar.

HALLGRÍMSKIRKJA | Messa kl. 11. Sr. Eiríkur Jóhannsson þjónar fyrir altari og sr. Irma Sjöfn Óskarsdóttir prédikar. Organisti er Björn Steinar Sólbergsson. Kammerkórinn Huldur syngja. Stjórnandi er Hreiðar Ingi Þorsteinsson. Messuþjónar aðstoða. Barnastarfið er í umsjá Ragnheiðar Bjarnadóttur, Rósu Hrannar Árnadóttur og Alvildu Eyvarar Elmarsdóttur.

HJALLAKIRKJA Kópavogi | Guðsþjónusta kl. 13. Sr. Hildur Sigurðardóttir þjónar. Organisti er Hrafnkell Karlsson. Kaffisopi að stund lokinni.

INNRA-Hólmskirkja | Hátíðarmessa kl. 14. 130 ára vígsluafmælis kirkjunnar er minnst um leið og kirkjan er formlega tekin í notkun að nýju eftir miklar endurbætur. Biskup Íslands, frú Agnes M. Sigurðardóttir, prédikar, prestar Garða- og Saurbæjarprestakalls, Þráinn Haraldsson, Þóra Björg Sigurðardóttir og Ólöf Margrét Snorradóttir, þjóna fyrir altari. Kór Saurbæjarprestakalls hins forna syngur undir stjórn Zsuzsonnu Budai organista. Meðhjálpari Ragnheiður Guðmundsdóttir. Kaffi í Miðgarði eftir messu.

KÁLFATJARNARKIRKJA | Guðsþjónusta kl. 14. Sr. Bolli Pétur leiðir hið talaða mál og þjónar fyrir altari. Kór Kálfatjarnarkirkju syngur undir stjórn Erlu Rutar Káradóttur organista. Kaffi í boði inni í þjónustuhúsi að stund lokinni.

KEFLAVÍKURKIRKJA | Sigurður Smári Hansson leiðir söng við gítarspil í sunnudagsmessu kl. 11. Helgi Valdimar Biering og Halldóra Steina Garðarsdóttir eru messuþjónar. Sr. Erla Guðmundsdóttir þjónar. Á sama tíma er sunnudagaskóli í höndum Alexanders Grybos, Bergrúnar Daggar Bjarnadóttur og Helgu Sveinsdóttur. Boðið er upp á súpu og brauð í Kirkjulundi.

KIRKJA HEYRNARLAUSRA | Messa í Grensáskirkju 8. október kl. 14. Táknmálskórinn syngur undir stjórn Eyrúnar Ólafsdóttur. Sr. Kristín Pálsdóttir prédikar og þjónar fyrir altari. Kaffi eftir messu.

KIRKJUSELIÐ í Spöng | Vörðumessa kl. 13. Sr. Sigurður Grétar Helgason þjónar. Vox Populi leiðir söng. Organisti er Lára Bryndís Eggertsdóttir.

KÓPAVOGSKIRKJA | Guðsþjónusta kl. 11. Sr. Bryndís Malla Elídóttir prófastur prédikar og þjónar fyrir altari. Félagar úr kór Kópavogskirkju syngja undir stjórn Elísu Elíasdóttur organista. Sunnudagaskólinn verður á sama tíma í safnaðarheimilinu Borgum.

LANGHOLTSKIRKJA | Messa sunnudag kl. 11. Sara Grímsdóttir söngkona leiðir sunnudagaskólann, Ásta Ingibjörg Pétursdóttir prestur þjónar í messunni ásamt messuþjónum. Kór Langholtskirkju syngur undir stjórn Magnúsar Ragnarssonar organista. Léttur hádegisverður að messu lokinni.

MOSFELLSPRESTAKALL | Guðsþjónusta kl. 11 í Lágafellskirkju. Sr. Hólmgrímur Elís Bragason prédikar og þjónar fyrir altari. Kirkjukór Lágafellssóknar syngur undir stjórn Árna Heiðars Karlssonar organista. Sunnudagaskólinn kl. 13 í Lágafellskirkju. Eftir stundina verður í boði hressing í skrúðhúsi og krakkarnir fá fjársjóðskistu með sér heim. Umsjón: sr. Hólmgrímur, Guðlaug Helga og Árni Heiðar.

NESKIRKJA | Guðsþjónusta og opnun myndlistarsýningar Ragnars Þórissonar 8. október kl. 11. Fermingarbörn semja bænir og taka þátt í helgihaldinu. Prestar eru Helga Kolbeinsdóttir og Skúli S. Ólafsson. Steingrímur Þórhallsson er við hljóðfærið og stýrir félögum úr Kór Neskirkju. Fjallað verður um sýninguna í prédikun.

NJARÐVÍKURKIRKJA Innri-Njarðvík | Sunnudagskvöldið kl. 20 komum við saman. Sr. Baldur Rafn Sigurðsson leiðir stundina og Kór Njarðvíkurkirkju flytur okkur tónlist undir stjórn Rafns Hlíðkvists organista.

ÓHÁÐI SÖFNUÐURINN | Galdramessa sunnudag kl. 14. Séra Pétur Þorsteinsson þjónar fyrir altari og Vox gospelkórinn syngur undir stjórn Matthíasar V. Baldurssonar. Eitthvað spennandi fyrir börnin. Eftir messu verður kaffihlaðborð sem kórinn sér um og rennur ágóðinn til kórsins. Ekki verður posi á staðnum en kaffið kostar 2.500 kr. fyrir fullorðna, þá er gott að hafa með sér pening.

REYNIVALLAKIRKJA í Kjós | Bleik guðsþjónusta kl. 13. Kirkjan er upplýst bleikum ljósum í október til að sýna konum sem greinst hafa með krabbamein samstöðu. Kirkjugestir eru hvattir til að mæta í bleiku og mun bleik rós frá sóknarnefndinni fylgja þeim heim. Kirkjukór Reynivallakirkju syngur og leiðir sálmasöng. Organisti er Sveinn Arnar Sæmundsson. Sr. Arna Grétarsdóttir sóknarprestur prédikar og þjónar fyrir altari.

Sandgerðiskirkja | Fjölskyldumessa kl. 16. Skólakór Sandgerðisskóla syngur undir stjórn Sigurbjargar Hjálmarsdóttur. 25 ára afmæli Sandgerðiskirkju fagnað.

SELJAKIRKJA | Barnaguðsþjónusta kl. 11. Óli og Helgi Hannesson leiða samveruna. Guðsþjónusta kl. 13. Sr. Ólafur Jóhann þjónar fyrir altari, barn borið til skírnar. Kór Seljakirkju leiðir safnaðarsöng. Organisti er Tómas Guðni Eggertsson.

SELTJARNARNESKIRKJA | Fræðslumorgunn kl. 10. Þjóðkirkjan og Lútherska heimssambandið. Biskup Íslands, frú Agnes M. Sigurðardóttir, talar. Guðsþjónusta kl. 11. Sóknarprestur þjónar. Organisti kirkjunnar leikur á orgelið. Félagar úr Kammerkór Seltjarnarneskirkju syngja. Kaffiveitingar í safnaðarheimlinu eftir athöfn. Sunnudagaskóli kl. 13. Á miðvikudag er morgunkaffi kl. 9-11, samræður um þjóðmál, foreldramorgunn kl. 10-12. Kyrrðarstund kl. 12. Léttar veitingar.

ÚTSKÁLAKIRKJA | Sjá Sandgerðiskirkju.

VÍDALÍNSKIRKJA | Sunnudagaskóli í Urriðaholtsskóla kl. 10. Ingibjörg Hrönn og Benedikt stjórna. Messukaffi og leikur eftir samveruna. Sunnudagaskóli í safnaðarheimili Vídalínskirkju kl. 11. Jóna Þórdís og Þorkell stjórna. Messukaffi og litir eftir samveruna. Gospelgleði kl. 11. Sr. Jóna Hrönn þjónar. Gospelkór Jóns Vídalíns syngur undir stjórn Ingvars Alfreðssonar.

ÞORLÁKSKIRKJA | Guðsþjónusta kl. 11. Kór Þorláks- og Hjallakirkju leiðir safnaðarsöng undir stjórn Esterar Ólafsdóttur organista. Sigríður Munda Jónsdóttir sóknarprestur þjónar.