Norður
♠ 8653
♥ Á43
♦ K2
♣ K1085
Vestur
♠ G942
♥ K96
♦ DG105
♣ 62
Austur
♠ D7
♥ G10872
♦ 9743
♣ 43
Suður
♠ ÁK10
♥ D5
♦ Á86
♣ ÁDG97
Suður spilar 6♣.
„Þetta er erfitt val.“ Þeir voru sammála um það Gölturinn og Haraldur háfleygi að besta leiðin í 6♣ væri síður en svo „meitluð í stein“. Útspilið er ♦D og sagnhafi getur valið á milli þess að spila hjarta á drottninguna eða spaða á tíuna.
Fyrrnefnda spilamennskan er klippt og skorið 50 prósent – hjartakóngur í austur. Spaðaleiðin er flóknari í útreikningi. Fyrir utan spaðann þrjú-þrjú er hugsanlegt að austur eigi litlu hjónin blönk eða í lengd, eða jafnvel bólgið tvíspil eins og D9 eða G9. „Samt varla yfir 50 prósent,“ hélt Gölturinn.
„Ekki má gleyma skvísnum,“ benti Halli á: „Segjum að sagnhafi spili spaða á tíuna og gosann. Ef vestur heldur sofandi áfram með tígul rennur upp þvingun í hálitunum síðar.“
„Nei. Hvaða froskur sem er í vestur skiptir yfir í hjarta,“ sagði Gölturinn.