Japan hafði betur gegn Barein, 27:26, í æsispennandi leik í undankeppni Ólympíuleikanna í handbolta í karlaflokki í gær. Dagur Sigurðsson þjálfar Japan, sem skoraði sigurmarkið í blálokin eftir mikla spennu
Japan hafði betur gegn Barein, 27:26, í æsispennandi leik í undankeppni Ólympíuleikanna í handbolta í karlaflokki í gær. Dagur Sigurðsson þjálfar Japan, sem skoraði sigurmarkið í blálokin eftir mikla spennu. Aron Kristjánsson er þjálfari Barein. Barein var með 16:14-forskot í hálfleik, en japanska liðið reyndist sterkara í seinni hálfleik. Sádi-Arabía, sem Erlingur Richardsson þjálfar, mátti sætta sig við naumt tap, 27:29, gegn Suður-Kóreu.