CBD er undur náttúrunnar

Verslunin Æsir á Hverfisgötu 39 er falin perla. Þar starfar einn fremsti sérfræðingur Bandaríkjanna í vöruþróun og rannsóknum á CBD, Mathew Sherwood, og miðlar þar víðtækri þekkingu sinni á þróun á hágæða húðvörulínu sem framleidd er hérlendis og í Bandaríkjunum og er fáanleg í versluninni.

Æsir sérhæfir sig í þróun og sölu á gæðavottuðum vörum ætluðum líkama og húð. Vörurnar eru unnar eftir ströngum skilyrðum og þar kemur sér vel að Mathew hefur yfir 15 ára reynslu af að vinna með kannabínóíðum eins og CBD. Hann hefur lengi starfað í heilbrigðisgeiranum í Bandaríkjunum og hefur fjölda einkaleyfa sem tengjast þróun á lyfjum og vörum sem innihalda kannabínóíðasameindir.

Meðhöndlað á sama hátt og vítamín

„Kannabínóíðar eru oft mjög misskildir,“ segir Mathew. „Rannsóknir benda til þess að CBD hafi jákvæð áhrif á heilsufar og ekki síst húðvandamál. Enn fremur er ýmislegt sem bendir til þess að það geti haft jákvæð áhrif á veigamikla þætti eins og minni, nám, tilfinningalega úrvinnslu, svefn, verki, hita, bólgur, hvernig við nærumst og fleira,“ útskýrir Mathew.

„CBD er að finna víða í náttúrunni en hampplantan er langalgengasta uppistaðan. Hins vegar finnst CBD einnig í plöntum eins og hör, sólhatti og kavapipar og er nú meðhöndlað á sama hátt og fjölmörg vítamín og fæðubótarefni,“ segir Mathew.

„Það eru til yfir 100 mismunandi tegundir af kannabínóíðum í plöntum en CBD og THC eru þau efni sem mest er talað um. Það er vegna þess að flestar vísindarannsóknir hafa verið gerðar á þeim,“ segir Mathew sem hefur sjálfur gert ófáar rannsóknir á CBD í gegnum tíðina.

„CBD eitt og sér telst ekki sem geðvirkt efni og veldur því ekki hugbreytandi áhrifum heldur hefur það sýnt góðan árangur þegar tekist er á við ýmis heilsufarsvandamál. Það eru engar vísindalegar sannanir fyrir því að inntaka eða notkun á CBD-olíu og öðrum CBD-vörum leiði til fíknar eða sé ávanabindandi,“ segir Mathew.

Jákvæð áhrif á heilsu og heilbrigði húðar

„Það hefur verið ótrúlega spennandi að bæta nýjum húðvörum við vöruúrvalið og höfum við séð gríðarlegan árangur hjá viðskiptavinum okkar,“ segir Mathew ánægður.

„Rannsóknir benda til þess að CBD hafi marga jákvæða eiginleika fyrir heilsufar og ekki síst húðvandamál líkt og rósroða, hormónabólur og psoriasis svo eitthvað sé nefnt.

„Olíurnar okkar eru GMP-vottaðar og framleiddar á Íslandi. Vörurnar eru þróaðar og framleiddar úr hágæða hráefni við bestu aðstæður til að tryggja mestu mögulegu gæði. Þar að auki eru þær gæðaprófaðar af óháðri rannsóknarstofu í Bandaríkjunum,“ segir hann enn frekar.

„Það sem vörurnar frá okkur hafa fram yfir aðrar sambærilegar húðvörur er að þær innihalda ríkulegt magn af CBD,“ segir Mathew en markmið vörulínunnar er að ná sem mestri virkni úr eins hreinum og fáum hráefnum og mögulegt er.

„CBD hefur sýnt jákvæð áhrif á verki í tengslum við liðagigt, harðsperrur og vöðvaeymsli. Rannsóknir á CBD-vörum eru í fullum gangi og því geta niðurstöðurnar verið jafn mismunandi og þær eru margar og mjög einstaklingsbundnar. Við vinnum náið með viðskiptavinum okkar til að tryggja að þeir fái sem mesta virkni út úr vörunum okkar og leiðbeinum þeim í átt að bættri heilsu.“

Þekkingarleysi getur skemmt fyrir

Mathew þykir mjög miður að vita til þess hve margar verslanir og fyrirtæki gefa sig út fyrir að selja CBD-vörur sem innihalda jafnvel ekki snefilmagn af CBD. Hann segir þekkingarleysi margra söluaðila og kaupenda á CBD geta verið skaðlegt fyrir lýðheilsu almennings.

„Að þróa CBD-vörur krefst sérstakrar sérfræðiþekkingar. Framleiðsluferlar þurfa að vera ábyrgir til þess að vörurnar geti skilað ávinningi. Það eru alltof margir víðs vegar um heim að markaðssetja CBD-vörur undir fölsku flaggi og án tilskilinna gæðastaðla. Mín reynsla er sú að sala á CBD-olíum án lagalegra skilyrða og eftirlits geti gert iðnaðinn að villta vestrinu. Það er átakanlegt að yfir 60% af CBD-vörum innihaldi ekki jafn hátt hlutfall af CBD og umbúðirnar segja til um. Það er mikilvægt að vita hvaðan vörurnar koma til þess að geta treyst innihaldslýsingum,“ segir Mathew.

Vörurnar frá Æsi fara í gegnum slembiprófanir til þess að hægt sé að tryggja að rétt magn og innihald sé sett á markað.

„Það tryggir öryggi viðskiptavina okkar og gerir skuldbindingu okkar um að nota einungis einangrað CBD í vörurnar okkar án THC mun trúverðugri. Neytendur geta treyst því að vörulínan frá Æsi er þróuð á ábyrgan hátt,“ segir hann.

CBD er ekki vímugjafi

„Þegar fólk áttar sig á því að CBD er langt því frá að vera það sama og kannabisefni og hefur hlotið leyfi frá Alþjóðalyfjaeftirlitinu (WADA) til notkunar fyrir íþróttafólk og samþykkt sem lyf fyrir börn sem glíma við flogaveiki þá verður samtalið auðveldara,“ útskýrir Mathew og bætir við:

„Mannkynið hefur notað kannabínóíða á áhrifaríkan hátt sem lyf í yfir 5.000 ár. Það er frekar nýlega sem efnið fékk á sig þann stimpil að vera óöruggt. Þau sjónarmið eru frekar pólitísk. CBD er undur náttúrunnar,“ segir Mathew að lokum.