Þyrla Landhelgisgæslunnar sótti á laugardaginn karlmann sem varð fyrir voðaskoti á rjúpnaveiðum við Leggjabrjót. Hafnaði skotið í fæti mannsins. Að sögn Auðuns F. Kristinssonar, framkvæmdastjóra aðgerðasviðs Landhelgisgæslunnar, fór þyrlan til…
Þyrla Landhelgisgæslunnar sótti á laugardaginn karlmann sem varð fyrir voðaskoti á rjúpnaveiðum við Leggjabrjót. Hafnaði skotið í fæti mannsins. Að sögn Auðuns F. Kristinssonar, framkvæmdastjóra aðgerðasviðs Landhelgisgæslunnar, fór þyrlan til að sækja göngumann sem hafði dottið og fótbrotnað og annan örmagna sem var með honum. Í leiðinni hafi þeir sótt einstaklinginn sem varð fyrir voðaskotinu. Fyrra útkallið barst klukkan hálffjögur og það síðara um klukkan fimm.