30 ára Sjafnar fæddist á Akranesi og ólst þar upp fyrstu fjögur árin. Hann átti síðan heima í Noregi, rétt fyrir utan Ósló, í eitt og hálft ár en hefur síðan alið manninn í Mosfellsbæ. Sjafnar er stúdent frá Menntaskólanum við Hamrahlíð og…

30 ára Sjafnar fæddist á Akranesi og ólst þar upp fyrstu fjögur árin. Hann átti síðan heima í Noregi, rétt fyrir utan Ósló, í eitt og hálft ár en hefur síðan alið manninn í Mosfellsbæ.

Sjafnar er stúdent frá Menntaskólanum við Hamrahlíð og útskrifaðist af leikarabraut frá Kvikmyndaskóla Íslands árið 2017. Sjafnar er sölu- og þjónustufulltrúi hjá Símanum.

Sjafnar hefur mikið sinnt tónlist og leiklist gegnum tíðina. Hann tók þátt í Idol-söngvakeppninni í fyrra, var í Skólahljómsveit Mosfellsbæjar og hefur verið í leikfélögum og kórum. Hann er söngvari í þungarokkshljómsveitinni Drungi, sem er að fara að gefa út sína fyrstu plötu í byrjun næsta árs.

„Fyrir utan tónlist og leiklist þá er mitt helsta áhugamál yndislestur, bæði á íslensku og ensku. Ég les nokkurn veginn allt milli himins og jarðar, hvort sem það eru heimsbókmenntir, vísindasögur eða sjálfshjálparbækur. Núna er ég að lesa Dune eftir Frank Herbert, og Game of Thrones-bækurnar hans George R. R. Martin ásamt einhverjum myndasögum. Svo hef ég verið að dunda mér við hlutverkaspil eins og Dungeons & Dragons og ýmis önnur borðspil.“


Fjölskylda Kærasta Sjafnars er Deborah Musico, f. 1989 í Róm á Ítalíu. Hún er matvælafræðingur hjá Eldum rétt. Systkini Sjafnars eru Filippus Darri Björgvinsson, f. 1997, og Sigyn Jara Björgvinsdóttir, f. 1999. Foreldrar Sjafnars eru hjónin Kolbrún Jenný Gunnarsdóttir, f. 1964, textílkennari í Lágafellsskóla, og Björgvin Filippusson, f. 1964, eigandi og rekstrarstjóri mannauðsfyrirtækisins Kompás ehf. Þau eru búsett í Mosfellsbæ.