Fær Astrid Lindgren-verðlaunin

Sænski rithöfundur­inn ­Johan Rundberg hlýtur Astrid Lindgren-verðlaunin 2023. Verðlaunin hlýtur hann fyrir lofsvert framlag sitt til barna- og unglingabókmennta þar sem hann skrifar af „miklum kærleika til manneskjunnar og lágstemmdum húmor sem skín í gegnum allt sem hann tekur sér fyrir hendur,“ eins og segir í rökstuðningi dómnefndar. „Þetta er mér mikill heiður og ég er mjög glaður,“ segir Rundberg í samtali við SVT.