Pétur Stefánsson reynir að samrýma það ósamrýmanlega – eða hvað?
Ég vil yrkja ofurnett,
engum gera skaða,
einnig taka lífi létt
og láta á súðum vaða.
Stefán Stefánsson frá Móskógum á Bökkum í Skagafirði lét oft vaða í sínum kveðskap, tók lífinu létt og allt var það græskulaust. Hann sendi Lárusi í Haga, lækni á Skagaströnd, vísu þegar hann varð 65 ára með þessari forsögn: Þetta skaltu Lalli minn raula í ellinni:
Upp skal nú rifjuð ævisaga.
Enda er ég kominn á fremsta þrepið.
Margt hef ég reynt um mína daga,
marga læknað – en fleiri drepið.
Mannlýsingar Stefáns voru mergjaðar:
Af ýmsum verkum annálaður.
Engan hefur þráðbeint svikið.
Getur verið góður maður
þótt gæti þess hvorki oft né mikið.
Stefán orti ásamt Gísla Ólafssyni frá Eiríksstöðum á stjórnmálafundi í Siglufirði er þeir hlýddu á ræðu Péturs Jónssonar frá Brúnastöðum:
Að efninu ég kem, kem, kem,
Kannske ef menn vilja.
En takmarkið er sem, sem, sem,
Siglfirðingar vilja.
Sigurður Hreiðar hafði samband vegna vísu sem birtist á dögunum í Vísnahorni eftir afa hans, Björn Bjarnarson í Grafarholti, og benti á að föðurnafnið hefði misritast, en Björn er sonur Björns Eyvindssonar bónda á Vatnshorni í Skorradal.
Sigurður bætti við um afa sinn: Hann þótti smámunasamur um margt og átti gjarnan til að nota hlutina út í æsar, til að mynda gömul umslög utan um bréf sem hann sendi, strika bara yfir eldri viðtakanda og setja nýtt nafn í staðinn. Einhverju sinni sendi einhver honum skammarbréf vegna þessa athæfis. Afi skrifaði svar neðst í það bréf, skipti um nafn á umslaginu og sendi til baka.
Engum skyldi auka sekt
né af því vera smáður
þótt hann noti nýtilegt
notað sem var áður.
með lausavísum í hlaðnar vörður. Auðvitað ættu rjúpnaskyttur að hafa það í huga þegar þær þvælast um fjöllin. Egill Jónasson orti beinakerlingavísu í orðastað Péturs í Reynihlíð:¶ ¶ ¶ Atvinnu það ein er grein¶ öflun steikna og súpna¶ þótt ei finnist fjöður ein¶ fara þeir til rjúpna.¶ Að síðustu er hér beinakerlingavísa eftir Stefán frá Móskógum:¶ Oft og tíðum ergir mig¶ óbotnandi vandi:¶ Að gera upp við sjálfan sig¶ syndir og tilheyrandi.¶ Pétur Blöndal¶ p.blondal@gmail.com¶ Pétur Blöndal¶ p.blondal@gmail.com