Á föstudag sendi Smári Agnars mér póst þar sem hann sagði að elsti og jákvæðasti Grindvíkingurinn (95 ára) hefði fengið inni á Grund.
Grindavík gekk frá um stund
gat náð í fegrunarblund.
Gísli er natinn,
núðlur í matinn.
Gott er að vera á Grund.
Smári Agnars lét þess jafnframt getið að „í morgunþætti Rásar 1 í morgun var gott viðtal konunnar, sem Kristján stórsöngvari var svo hrifinn af í Kastljósi um árið, við jákvæðar konur úr Grindavík“.
Gunnar J. Straumland orti þegar mest gekk á í Grindavík:
Flekaskikans færsluslátt
foldarkrikar trega.
Megi kvikan kólna brátt
og koðna hrikalega.
Ragna Guðvarðardóttir yrkir og kallar Eldgos. Vel er kveðið:
Glóðir renna rauðar
rjúfa jökul hrjúfan
fram af háum hömrum
hrynja klakabrynjur
aska grá og gjóska
gil og móa hylur
neistar rákir rista
á rökkurhimin dökkan
Kristján frá Gilhaga nýtur þess að fá sér frískt loft:
Útivist morgunsins geðslagið gleður
á göngunni hlýja í brjóstinu vex,
alauð er gatan, vordaga veður
varminn er mældur í gráðum 6.
Guðmundur Arnfinnsson um umferðaróhapp:
Jón, sem rak brennivínsbúðina,
fékk bláan marblett á húðina
á sínum gaur,
er gekk hann á staur
sá glanni með opna búðina.
Gunnar J. Straumland um nútíma verslunarhætti:
Á lagernum leitum og köfum,
af lörfunum rykið svo sköfum
tvöföldum verðið
tökum upp sverðið
í afslátt þá helming við höfum.
28. nóvember orti Hafsteinn Reykjalín Jóhannesson Við Víkurfjöru:
Logn við gælir lágan stein,
ljúft sem ástarorðið.
Stundum bára stór og ein
stækkar yfirborðið.
Þetta veldur vanda hér,
varnir engar duga.
Sumir fara fram úr sér,
feigð er efst í huga.
er fullkominn:¶ Í spjallþætti fugla var spyrill,¶ spaugsamur flautaþyrill,¶ um flest var hann fróður¶ og í flugtækni góður,¶ en hann kunni ekki að smyrja sá smyrill.¶ Limran Hrörnun eftir Hlymrek handan:¶ Í hafinu er þörungur harmlaus,¶ hurðdruslan undin og karmlaus¶ gimbillinn jarmlaus,¶ barstúlkan barmlaus¶ og hún Baldína gamla orðin sjarmlaus.¶ Enn kvað Hlymrekur:¶ Margt erlent er sniðugt og eggjandi,¶ hvort orðmælt það fer eða hneggjandi;¶ það má hefja upp glaum,¶ það má taka í taum,¶ en á túrhesta er ekki leggjandi.¶ Björn Ingólfsson samdi þessa limru:¶ „Þú ert ekkert, Stefán, í straffi,“¶ sagði Steingerður Elva (með vaffi)¶ „en gott er að spara¶ og því gef ég þér bara¶ moðvolgt og kolmórautt kaffi!“¶ Öfugmælavísan:¶ Horfði ég sverðfisk hissa á,¶ hann til kirkju vendi,¶ á Eintali hélt sálar sᶠsinni undir hendi.¶ Halldór Blöndal