Norður ♠ – ♥ ÁD106 ♦ Á1086 ♣ ÁDG85 Vestur ♠ KG862 ♥ G54 ♦ D874 ♣ 3 Austur ♠ 10743 ♥ K ♦ KG932 ♣ K104 Suður ♠ ÁD95 ♥ 98732 ♦ – ♣ 9752 Suður spilar 6♥

Norður

♠ –

♥ ÁD106

♦ Á1086

♣ ÁDG85

Vestur

♠ KG862

♥ G54

♦ D874

♣ 3

Austur

♠ 10743

♥ K

♦ KG932

♣ K104

Suður

♠ ÁD95

♥ 98732

♦ –

♣ 9752

Suður spilar 6♥.

„Það er rétt sem sagt er um Agustin Madala – hann er göldróttur.“ Haraldur háfleygi var mættur í fuglakaffi með 10 ára gamalt spil frá HM á Balí. Madala spilaði þá fyrir hönd Ítala með Norberto Bocchi sem makker. Bocchi opnaði á Standard-laufi, austur kom inn á 1♦, Madala sagði 1♥, vestur 3♦ og Bocchi lét vaða í 6♥! Útspilið var laufþristur.

„Og hvað haldið þið að Madala hafi gert?“ spurði Halli til málamynda, en beið ekki lengi eftir svari: „Hann drap á laufás og lagði niður hjartaás! Restin var handavinna.“

Madala gat teiknað upp hendur mótherjanna út frá sögnum og útspili. Tígullinn virtist skiptast 5-4 og spaðinn líka, því vestur hefði sagt frá sexlit. Og laufþristurinn var mjög líklega einn á ferð, svo það lá fyrir að austur ætti bara eitt hjarta – kónginn, nánar tiltekið, úr því að vestur var að leita eftir stungu.