Árin líða eitt og tvö

Tildrög þessarar vísu munu þau, að efnuðum presti í nágrenninu var gefinn fyrirtaks hestur. Káinn orti:

Tíðum hér á tölti ég sést

til þess eru líkur

gefið mér þeir hefðu hest

hefði ég verið ríkur!

Á bannlagaárunum í Bandaríkjunum mátti áfengisstyrkleiki bjórs eigi fara yfir 2%. Káinn orti:

Ég hlýt að slá við slöku

í slyngri ljóðamennt.

Það yrkir enginn stöku

á aðeins 2%.

Káinn svaf í næsta herbergi við konu eina, sumir segja vinnukonuna, aðrir sjálfa heimasætuna:

Millibilið fáein fet

farsæld skilur beggja;

gegnum þilið fram í flet

finn ég ylinn leggja.

Jón Arnljótsson skrifar á Boðnarmjöð: Í íþróttum (einkum boltaíþróttum) eru alltaf fram undan mikilvægir leikir og næsti leikur gjarnan sá mikilvægasti sem íslenskt landslið mun spila (þá oft bæði fyrr og síðar) og þegar hann er búinn tekur sá næsti við því hlutverki.

Íþrótt hefur ýmis fög

og við stöndum keikir.

Bráðum koma margir, mjög,

mikilvægir leikir.

Reinhold Richter yrkir:

Rjúpan ég og refur

röltum sömu slóð

Vetrar ganga gefur

gleði og jötunmóð

Þetta er lífsins gangur. Hallmundur Kristinsson yrkir:

Árin líða eitt og tvö,

eftir gömlu stefi;

orðin munu sjötíu og sjö,

sem ég lifað hefi.

Philip Vogler Egilsstöðum brást við:

Þú virkar ungur eins og fyrr

á öll sem beint ei þekkja.

Að líkum situr lítið kyrr

ljóð ef ekki blekkja.

Benedikt Jóhannsson rifjar upp: Þegar karlalandsliðið í handbolta vann silfur á Ólympíuleikum hrópaði frú Dorrit: Ísland er stórasta land í heimi!:

Með Ólafi drottning varð Dorrit

og dásamleg stýra'enni forrit

í stórleiks algleymi

„stórast í heimi“

varð Ísland, það slógu af slorrit. Ármannsson:¶ Jólafastan bjartan ber¶ boðskap helgra tíða.¶ Fögnuð ríkan færi þér¶ frið og alúð blíða.¶ Limran Úthald eftir Davíð Hjálmar Haraldsson:¶ Á sumrin ég geng og ég geng,¶ ég geng á við tvítugan dreng¶ í ellefu dægur¶ sem er áfangi nægur¶ þá æja verð, alveg í spreng.¶ Öfugmælavísan:¶ Laxinn hefur langa hönd,¶ lýðum vil ég það greina,¶ ýtar þurfa engin bönd¶ ef ótemju skal reyna.¶ Halldór Blöndal