Bjarki Már Elísson, landsliðsmaður í handknattleik, hefur skrifað undir nýjan samning við ungverska stórveldið Veszprém sem gildir til sumarsins 2026, eða næstu tvö keppnistímabil. Bjarki Már gekk til liðs við Veszprém sumarið 2022 og…
Bjarki Már Elísson, landsliðsmaður í handknattleik, hefur skrifað undir nýjan samning við ungverska stórveldið Veszprém sem gildir til sumarsins 2026, eða næstu tvö keppnistímabil. Bjarki Már gekk til liðs við Veszprém sumarið 2022 og vann tvöfalt, deild og bikar, á sínu fyrsta tímabili með liðinu. Hann er 33 ára og hafði áður leikið með Lemgo, Füchse Berlín og Eisenach í Þýskalandi en með HK, Selfossi og Fylki á Íslandi.