Spennusagnahöfundurinn Jón Atli Jónasson skrifaði nýlega undir útgáfusamning við þýska forlagið S. Fischer en „þrjú stór forlög bitust um bækurnar þegar þær voru boðnar þýskum bókaforlögum fyrr á þessu ári“. Þetta segir í tilkynningu frá íslenska útgefanda hans Forlaginu. Bækurnar Brotin (2022) og Eitur (2023) munu verða áherslutitlar á glæpasagnalista S. Fischers. Haft er eftir ritstjóra Jóns Atla að hann sé „spennandi ný rödd í norrænum bókmenntum“ og að „rannsóknarteymi bókanna, þau Dóra og Rado, væru einstakar sögupersónur sem lesendur glæpasagna í Þýskalandi myndu taka fagnandi“. Reykjavík Literary Agency fer með erlenda sölu á verkum Jóns Atla.