Norður
♠ K9
♥ 753
♦ KD42
♣ 9865
Vestur
♠ 5
♥ KG8642
♦ 1098
♣ D108
Austur
♠ 8742
♥ 9
♦ G7653
♣ KG2
Suður
♠ ÁDG1053
♥ ÁD10
♦ Á
♣ Á43
Suður spilar 6♠.
„Það er ekki á hverjum degi sem maður fær svona glæsileg spil,“ hugsaði suður og stökk í slemmu. Vestur hóf sagnir með veikum 2♥ – pass og pass. Suður doblaði, norður sagði 3♦ „sem í mínum kokkabókum lofar einhverjum spilum“, útskýrði suður fyrir sjálfum sér og tók stangarstökk í 6♠! Tígultían út.
Blindur kom upp og suður sá eftir hvatvísinni. Það yrði brekka að fá tólf slagi með kóng-gosa í hjarta í bakið. – Og þó! Hver veit nema hægt væri að ná upp lokabragði á vestur. Suður lagði niður laufás í öðrum slag, spilaði trompi á níuna, henti laufum í ♦KD og trompaði lauf. Spilaði spaða á kónginn og trompaði aftur lauf. Kláraði svo aftrompun og þrumaði út hjartadrottningu. Tólf tilþrifamiklar slagir.
Norður var ekki sérlega upprifinn: „Ég var að hugsa um að hækka í sjö út á spaðakónginn. Eins gott ég gerði það ekki.“