Norður
♠ KD3
♥ Á96
♦ K92
♣ KD73
Vestur
♠ 109842
♥ 108
♦ 76
♣ G986
Austur
♠ Á6
♥ G5432
♦ G853
♣ 102
Suður
♠ G75
♥ KD7
♦ ÁD104
♣ Á54
Suður spilar 6G.
„Það er þroskamerki hjá krökkum þegar þau hafa lært að telja upp í tíu.“ Fuglarnir voru ekki alveg með það á hreinu hvert Gölturinn var að fara með þessari athugasemd. Var hann að missa tökin á tilverunni eða farinn að lesa þroskasálfræði á gamals aldri? Nei – þetta var bara formáli að gamalkunnri kaldhæðni: „Fáir spilarar ná þeim þroska að geta talið upp í þrettán.“
Spaðatían kemur út gegn 6G og austur tekur strax á ásinn og spilar aftur spaða. Sagnhafi gerði strax betur en börnin og taldi upp í ellefu örugga slagi. En hafði víst ekki vit á því að telja upp hendur andstæðinganna og gaf á endanum slag á tígulgosa. „Ef sagnhafi geymir tígulinn þar til síðast sannast að austur á tvo-tvo í svörtu litunum og fimmlit í hjarta. Og hvert barn getur reiknað út að þá á hann fjóra tígla.“