Norður
♠ KD32
♥ DG73
♦ Á762
♣ 5
Vestur
♠ 975
♥ Á852
♦ K5
♣ G972
Austur
♠ ÁG108
♥ K104
♦ 10943
♣ ÁK
Suður
♠ 64
♥ 96
♦ DG8
♣ D108643
Suður spilar 2♣ dobluð.
Hvernig verður svindl afhjúpað? Ef aðferðirnar liggja ekki fyrir (eins og hjá Reese/Shapiro og Fantoni/Nunes) er eina leiðin að skoða spilin. Boye Brogeland segir: Ef afbrigðilegar sagnir og útspil skila staðfastlega góðum árangri er líklegt að óleyfilegar upplýsingar komi við sögu. „Sönnunin er grafin í grautnum.“
Benito Garozzo þótti standa sig vel í þessu spili. „Eins og maðurinn sæi í gegnum holt og hæðir,“ skrifar Avon Wilsmore, höfundur Undir the Table. Spilið er frá HM 1974. Garozzo í vestur, Forquet í austur, Hamman og Wolff í N-S.
Eftir pass Garozzos í fyrstu hendi opnaði Wolff í norður á 1♠ og sú sögn gekk ótrufluð til Garozzos. Hann doblaði til úttektar. Forquet straffpassaði og Hamman flúði í 2♣. Og aftur doblaði Garozzo, nú til sektar. Allir pass og þrír niður, eða 800 í A-V.