Ingibjörg Sigurðardóttir, landsliðskona í knattspyrnu, gekk í gær til liðs við þýska félagið Duisburg en hún hefur leikið með Vålerenga í Noregi í fjögur ár. Þar var hún fyrirliði 2023 og norskur meistari í annað sinn
Ingibjörg Sigurðardóttir, landsliðskona í knattspyrnu, gekk í gær til liðs við þýska félagið Duisburg en hún hefur leikið með Vålerenga í Noregi í fjögur ár. Þar var hún fyrirliði 2023 og norskur meistari í annað sinn. Ingibjörg samdi við Duisburg út þetta tímabil, með ákvæði um framlengingu ef liðið heldur sér í efstu deild. Þar stendur það mjög illa að vígi og situr eitt á botninum með tvö stig úr tíu leikjum, fimm stigum frá því að komast úr fallsæti.