Norður
♠ K62
♥ Á83
♦ Á1096
♣ 862
Vestur
♠ G98
♥ DG107
♦ K54
♣ KG3
Austur
♠ 107
♥ K654
♦ 32
♣ Á10975
Suður
♠ ÁD543
♥ 92
♦ DG87
♣ D4
Suður spilar 4♠.
Gölturinn var kominn með reiknistokkinn á loft eina ferðina enn: „Þegar gæði samnings eru metin þarf að byrja á því að finna jafnvægistöluna. Sú tala segir okkur hverjar vinningslíkur þurfa að vera til að gróði og tap komi út á núlli.“
„Áhugavert,“ svöruðu fuglarnir í veikri von um skjót málalok. Gölturinn teiknaði upp spilið að ofan – 4♠ þar sem trompið þarf að brotna 3-2 (68%) og tígulsvíning að ganga (50%). Vinningslíkur eru þá 34%.
„Ekki nógu gott,“ sagði Gölturinn og hélt áfram með fyrirlesturinn: „Við höfum áður staðfest að ÁT-hlutfallið fyrir 4♠ á hættunni er 10 á móti 6 – við græðum 10 impa þegar geimið vinnst, töpum 6 impum þegar það fer niður. Með öðrum orðum: Það er nóg að geimið vinnist 6 sinnum í hverjum 16 tilraunum til að fara út á sléttu. Jafnvægistalan er þá 6x100/16, eða 37,5%.“