Fyrir 4-6
500 g innralæri af nauti
salt og pipar eftir smekk
2 stk. rauðlaukur, smátt skorinn
3 msk. svínafeiti til steikingar (fæst í t.d. verslunum með matvöru frá Póllandi – heitir smalec á pólsku, zsír á ungversku) – annars hægt að nota olíu eða smjörlíki.
2 msk. ungverskt paprikuduft (sætt, ekki sterkt)
2 tsk. kummín-krydd
2 hvítlauksgeirar, smátt saxaðir
2 tómatar skornir í teninga
1-2 lárviðarlauf
2 stk. papríka, skorin í tenginga
Rótargrænmeti eftir smekk, t.d.:
100 g kartöflur skornar í teninga
1 stór gulrót skorin í sneiðar
1 stk. nípa skorin í sneiðar
100 g sellerírót skorin í teninga
100 g rófur skornar í teninga
Vatn
Hreinsið kjötið, skerið í litla teninga og kryddið með salti og smá pipar. Bræðið svínafeitina í stórum potti og steikið laukinn yfir vægum hita þar til hann er glær. Bætið kjötinu út í og steikið yfir vægum hita þar til það er ljóst allan hringinn. Takið pottinn af hellunni og hrærið saman við paprikudufti, kummínkryddi, söxuðum hvítlauknum. Hellið um það bil 500 ml af vatni yfir, eða þar til rétt flæðir yfir kjötið. Bætið við tómötum og papriku og lárviðarlaufi. Sjóðið við vægan hita í u.þ.b. 1,5 klst. Bætið þá við rótargrænmetinu en skiljið kartöflurnar eftir. Sjóðið í um 10 mínútur í viðbót, bætið þá við kartöflunum og sjóðið í enn aðrar 10 mínútur.
Hefðbundið er að bera fram með franskbrauði.
Frá alberteldar.is.