Helena Björk Bjarkadóttir
helena@mbl.is
Trump strunsaði út úr dómsal í gær en réttað er í einkamáli þar sem hann er sakaður um ærumeiðingar. E. Jean Carroll höfðar málið og fer hún fram á meira en tíu milljónir bandaríkjadala vegna meintra meiðyrða hans gegn henni.
Kviðdómur komst að þeirri niðurstöðu í fyrra að Trump hefði gerst sekur um kynferðislega áreitni gagnvart Carroll.
Trump bar vitni í málinu á fimmtudag. Þá neitaði hann að hafa ráðist á mannorð Carroll með yfirlýsingum sínum. Dómari í málinu takmarkaði spurningar frá lögfræðingum Trumps við þrjár, sem hann mátti einungis svara játandi eða neitandi. Trump bragst illa við og sagði þetta „ekki vera Bandaríkin“.
Lögfræðiteymi Carroll hefur kvartað undan háttsemi Trumps ítrekað og hefur dómarinn hótað að henda honum út vegna hegðunar.
Forsetinn fyrrverandi er ekki skyldugur til að vera viðstaddur réttarhöldin en hefur nýtt athygli málsins til að skapa fjölmiðlaumfjöllun og kynda undir fullyrðingum um að allt sé reynt til að koma í veg fyrir endurkomu hans í Hvíta húsið.