Norður
♠ 4
♥ G92
♦ ÁG10932
♣ G73
Vestur
♠ Á986
♥ 1063
♦ 65
♣ K1085
Austur
♠ K7532
♥ K8754
♦ K8
♣ 2
Suður
♠ DG10
♥ ÁD
♦ D74
♣ ÁD964
Suður spilar 3G.
„Ég er með glóðvolgt útspilsvandamál handa ykkur.“ Gölturinn hafði setið einn við tölvuna á meðan fuglarnir skruppu út í bakarí að sækja nýbakaðar kleinur og ástarpunga. „Hérna,“ sagði hann og sýndi þeim spil vesturs og sagnir: Suður opnar á 1♣, norður segir 1♦, austur 2♣ (hálitir), suður 2G, vestur 3♠ og norður 3G. Að svo búnu stakk Gölturinn upp í sig tveimur kleinum og gaf fuglunum tækifæri til að hugsa.
Magnús: „Ég kem út með hjartatíu. Sé fyrir mér að makker drepi á ás og spili spaðadrottningu í gegnum kóng suðurs.“
Óskar: „Alltof langsótt. Ég spila bara út spaða.“
„Einhverjum sérstökum spaða?“ spurði Gölturinn?
„Nú sexunni, fjórða hæsta.“
„Eins og meistararnir í Hörpu,“ sagði Gölturinn og afhjúpaði allt spilið.