Fyrir 2-3
1 laukur
2 hvítlauksrif
100 g sveppir
1 tsk kókosolía
1 tsk salt (himalaja- eða sjávarsalt)
1 tsk svartur pipar
0,5 msk karrí
0,5 tsk túrmerik
200 g tómatar, saxaðir (ferskir eða úr dós)
1 msk tómatmauk (puré)
300 ml vatn
1 gerlaus grænmetisteningur
5 lárviðarlauf
250 g blandaðir sjávarréttir eða annað fiskmeti
75 g kræklingur (úr dós)
1 stór lófafylli steinselja, söxuð
1 tsk fiskisósa (Nam Plah)
Afhýðið lauk og hvítlauk og saxið smátt. Skerið sveppina í þunnar sneiðar. Hitið kókosolíu í potti og steikið lauk, hvítlauk og sveppi í nokkrar mínútur. Bætið við vatni ef þarf meiri vökva. Kryddið með salti, pipar, karríi og túrmerik. Setjið tómata, tómatmauk, fiskisósu, vatn, grænmetistening og lárviðarlauf út í pottinn. Látið suðuna koma upp og látið malla í nokkrar mínútur.
Setjið frosnu sjávarréttina út í (eða fiskinn í litlum bitum) og sjóðið í 3-4 mínútur. Bætið kræklingnum út í (ásamt helmingnum af vökvanum úr dósinni) og hitið að suðu.
Saxið steinselju yfir súpuna (og setjið um 1 msk í hvern disk áður en súpan er borin fram).
Það er meiriháttar að hafa nýbakað snittubrauð með súpunni. Í staðinn fyrir blandaða sjávarrétti má nota
100 g beinlausan og roðflettan fisk og 150 g hörpuskel og rækjur.
Frá cafesigrun.com.