Norður
♠ 53
♥ K4
♦ D108742
♣ KG3
Vestur
♠ Á9842
♥ D10
♦ G95
♣ 752
Austur
♠ G107
♥ 97652
♦ K6
♣ D104
Suður
♠ KD6
♥ ÁG83
♦ Á3
♣ Á986
Suður spilar 3G.
„Að strögla eða strögla ekki – þarna er efinn.“ Eftir margra daga setu við tölvuna er Gölturinn farinn að röfla við sjálfan sig eins og Hamlet forðum daga. Það er vestur sem er í sporum danska prinsins. Suður opnar á 1♣ og vestur þarf að gera upp við sig hvort hann kemur inn á 1♠ eða passar.
Í meistarakeppninni í Hörpu spiluðu Simon Gillis og Tiwari Rejeshwar báðir 3G í leik á BBO og fengu út spaða upp á tíu og kóng. Gillis spilaði tígulás og tígli á drottninguna. Tveir niður. Rejeshwar fór inn í borð á hjartakóng til að spila tíguldrottningu – kóngur og ás. Síðan kom tígull á tíuna og unnið spil.
Af hverju fóru þeir svona ólíkt í tígulinn? Af því vestur sagði 1♠ gegn Gillis en pass gegn Rejeshwar. Eftir ströglið er vestur líklegri til að eiga tígulkóng. Og öfugt – eftir pass er tígulkóngur líklegri í austur.