Knattspyrnukonan Heiðdís Lillýjardóttir hefur yfirgefið svissneska félagið Basel. Heiðdís var í eitt ár hjá Basel, en hún kom til félagsins frá Breiðabliki. Heiðdís er uppalin hjá Hetti á Egilsstöðum
Knattspyrnukonan Heiðdís Lillýjardóttir hefur yfirgefið svissneska félagið Basel. Heiðdís var í eitt ár hjá Basel, en hún kom til félagsins frá Breiðabliki. Heiðdís er uppalin hjá Hetti á Egilsstöðum. Varnarmaðurinn, sem er 27 ára, hefur leikið 126 leiki í efstu deild hér á landi og skorað í þeim fjögur mörk. Þá á hún 60 leiki að baki í 1. deild og 27 mörk. Heiðdís hefur leikið 19 leiki með yngri landsliðum Íslands en ekki fengið tækifæri hjá A-landsliðinu.