Einn var fluttur á sjúkradeild í gærkvöldi eftir alvarlegt umferðarslys á Reykjanesbraut, í grennd við álverið í Straumsvík, þar sem fólksbifreið og vöruflutningabíll lentu saman. Var það ökumaður fólksbifreiðarinnar sem var…
Einn var fluttur á sjúkradeild í gærkvöldi eftir alvarlegt umferðarslys á Reykjanesbraut, í grennd við álverið í Straumsvík, þar sem fólksbifreið og vöruflutningabíll lentu saman.
Var það ökumaður fólksbifreiðarinnar sem var fluttur á slysadeild en viðbragðsaðilar þurftu að beita klippum til að ná bílstjóranum út úr bílnum.
Tilkynnt var um slysið um klukkan 19 í gærkvöldi og var umferð lokað í kjölfar slysins. Var lokað fyrir umferð í báðar áttir í um tvær og hálfa klukkustund. Tildrög slyssins liggja ekki fyrir að svo stöddu.