Guðmundur Pétursson gítarleikari verður gestur Jóns Ólafssonar í Af fingrum fram í Salnum annað kvöld, fimmtudag, kl. 20.30. „Guðmundur var unglingur þegar hann sló í gegn sem frábær gítarleikari og það tók hann ekki langan tíma að komast í fremstu röð íslenskra tónlistarmanna. Hann er jafnvígur á allar tegundir gítars, flestar tónlistarstefnur og nú síðustu árin er hann meira að segja farinn að syngja eigið efni. Guðmundur er auðvitað vel þekktur fyrir blúsgítarleik sinn en hann hefur einnig skrifað verk fyrir sinfóníuhljómsveit og gefið út sólóplötur af ýmsum toga auk þess að vera líklega eftirsóttasti gítarleikari allra tíma á Íslandi,“ segir í tilkynningu.