„Einn fremsti píanóleikari samtímans, Benjamin Grosvenor, leikur píanókonsert Busonis með Sinfóníuhljómsveit Íslands og karlakórnum Fóstbræðrum,“ í Eldborg Hörpu í kvöld kl. 19.30 undir stjórn Kornilios Michailidis. Þetta kemur fram í tilkynningu frá sveitinni. Þar kemur fram að Grosvenor sé þekktur fyrir fágaðan, ljóðrænan leik og „í túlkun hans þykir ríkja hið fullkomna jafnvægi tækni og músíkalskrar tjáningar. Konsertinn sem hér hljómar er eitt stórbrotnasta og umfangsmesta verk sinnar tegundar í sögunni og ögrar lögmálum formsins á ýmsan hátt.“ Á undan konsertinum hljómar Klassíska sinfónían eftir Prokofíev.