Norður
♠ K932
♥ K2
♦ ÁG73
♣ G82
Vestur
♠ 4
♥ 83
♦ KD42
♣ D109753
Austur
♠ 105
♥ DG10754
♦ 85
♣ Á64
Suður
♠ ÁDG876
♥ Á96
♦ 1096
♣ K
Suður spilar 6♠.
Rúnar Gunnarsson var einn af örfáum sagnhöfum í tvímenningi Bridshátíðar sem spilaði slemmu í spaða. Meirihluti keppenda lét 4♠ duga og tók þar ellefu slagi, eins og lög gera ráð fyrir. Nokkrir sagnhafar náðu reyndar að stela tólfta slagnum, til dæmis með því að spila laufi á blankan kónginn eftir útspil í hjarta. Í þeirri stöðu er ekki sjálfgefið fyrir austur að rjúka upp með ásinn.
Rúnar fékk út tígulkóng gegn 6♠ og þá er lítið vit í því að spila laufi á kónginn. En Rúnar kom auga á annan möguleika, nokkuð góðan. Hann dúkkaði tígulkónginn! Austur reyndi að vísa á laufið með tígulfimmu (lægra spilinu) en hann hafði sagt hjarta og vestur sá ekki ástæðu til annars en að spila þeim lit. Rúnar gat þá hent laufkóngi í fjórða tígulinn.
Tólf slagir og tandurhreinn toppur.