Flautukvartettar Mozarts verða fluttir í Listasafni Sigurjóns Ólafssonar annað kvöld, þriðjudagskvöldið 20. febrúar, kl. 20. Fram koma Freyr Sigurjónsson á flautu, Hlíf Sigurjónsdóttir á fiðlu, Martin Frewer á víólu og Þórdís Gerður Jónsdóttir á selló. Í tilkynningu segir að allir fjórir flautukvartettar Mozarts verði fluttir. Þrjá þeirra samdi hann í Mannheim veturinn 1777-78 og hinn fjórða áratug síðar. „Mannheim-verkin samdi hann eftir pöntun fyrir áhugamannakvartett og eru þau ekki eins margslungin og mörg önnur verk hans, en engu að síður yndisleg, hljómmikil, glettin og krefjandi fyrir öll hljóðfærin.“