Opnað hefur verið fyrir umsóknir um styrki úr sjóðnum Lóu. Um er að ræða nýsköpunarstyrki fyrir landsbyggðina sem hafa það hlutverk að styðja við eflingu byggða og landshluta með nýskapandi verkefnum

Opnað hefur verið fyrir umsóknir um styrki úr sjóðnum Lóu. Um er að ræða nýsköpunarstyrki fyrir landsbyggðina sem hafa það hlutverk að styðja við eflingu byggða og landshluta með nýskapandi verkefnum.

Styrkjunum er aðeins úthlutað til verkefna utan höfuðborgarsvæðisins í þeim tilgangi að styðja við atvinnulíf og verðmætasköpun sem byggist á hugviti, þekkingu og nýrri færni. Umsóknarfrestur er til og með 4. apríl 2024. Áætlað er að úthlutun fari fram í maí.

Styrkjum er úthlutað til eins árs í senn og getur hvert verkefni fengið styrk sem nemur allt að 20% af heildarúthlutun hvers árs. Heildarfjárhæð Lóu árið 2024 er 150 milljónir króna sem er hækkun frá fyrri árum þegar upphæðin var 100 m.kr. Að hámarki geta 50 m.kr. farið til verkefna sem tengjast stuðningsumhverfi nýsköpunar, þar sem a.m.k. 100 m.kr. af heildarúthlutun verður úthlutað beint til verkefna á vegum einkaaðila. Krafa er gerð um að lágmarki 30% mótframlag frá umsækjanda og samstarfsaðilum (ef á við).