Stofnhús eru framkvæmdaraðili sem sérhæfir sig í byggingu íbúðarhúsnæðis og markmið Stofnhúsa er að vera leiðandi í byggingu íbúðarhúsnæðis á Íslandi.
Stofnhús eru þekkingarfyrirtæki í húsbyggingum sem vinnur náið með sínum viðskiptavinum og fyrirtækið setur markið hátt í öllu ferlinu. Þannig skila Stofnhús góðum íbúðum til sinna viðskiptavina.
Öllum hjá Stofnhúsum er annt um viðskiptavini sína og leggja því metnað sinn í að heildarupplifun við íbúðarkaup sé jákvæð frá upphafi til enda. Til að ná þessum markmiðum leggja Stofnhús ríka áherslu á góða stjórnun og utanumhald verkefna. Stofnhús tryggja að hönnun og framkvæmd uppfylli ströngustu gæðaviðmið. Lykillinn að því er að velja til liðs við fyrirtækið góða og trausta samstarfsaðila sem vinna með Stofnhúsum til lengri tíma.
Fyrirtækið Stofnhús er byggt á grunni aðila sem hafa verið lengi á markaðinum og vill skila því besta úr þeirri reynslu til viðskiptavina sinna.
Stofnhús vanda til verka. Þannig er kappkostað að allir samstarfsaðilar séu ábyrgir og með reynslu hver á sínu sviði. Þetta á við um hönnuði, stjórnendur, verktaka, birgja og fleiri. Stjórnun verkefna fyrir Stofnhús er í höndum JT Verks ehf.
Þá veitir JT Verk sérhæfða þjónustu á sviði framkvæmdar og verkefnastjórnunar byggingarverkefna. Verkefnastjórar JT Verks ehf. búa yfir verkfræðiþekkingu auk mikillar reynslu úr framkvæmdageiranum enda hafa þeir gegnt lykilstöðum í stjórnun og rekstri margra stórra verkefna í gegnum tíðina. Starfsmenn JT Verks ehf. hafa áratugareynslu af byggingu íbúðarhúsnæðis.
Stofnhús hafa byggt 16 íbúðir í fjölbýlishúsi í Kuggavogi 26 í Reykjavík. Síðan ber að nefna fjögur atvinnurými að Austurhólum 6 á Selfossi. Einnig eru 40 íbúðir í Bjarkardal 16-26 í Reykjanesbæ. Allar íbúðir eru seldar fyrir utan tvær. Í byggingu eru Austurhólar 4 á Selfossi, sem eru seldir og verða afhentir í sumar.
Hægt er að nálgast fleiri upplýsingar um Stofnhús á heimasíðunni, stofnhus.is. Fyrirtækið er til húsa í Hlíðasmára 2 í Kópavogi.
Til baka
Leita í greinasafni
Prenta grein