Norður ♠ Á97 ♥ 1064 ♦ 2 ♣ Á107543 Vestur ♠ K1083 ♥ D75 ♦ D63 ♣ K92 Austur ♠ 654 ♥ Á82 ♦ ÁG985 ♣ 86 Suður ♠ DG2 ♥ KG93 ♦ K1074 ♣ DG Suður spilar 3G

Norður

♠ Á97

♥ 1064

♦ 2

♣ Á107543

Vestur

♠ K1083

♥ D75

♦ D63

♣ K92

Austur

♠ 654

♥ Á82

♦ ÁG985

♣ 86

Suður

♠ DG2

♥ KG93

♦ K1074

♣ DG

Suður spilar 3G.

Stebbi stóð á ströndu, var að troða strý. Eðalsmiðurinn Stefán Stefánsson bindur ekki bagga sína sömu hnútum og samferðamennirnir. Hann var í norður og sá makker sinn, Gunnar Björn Helgason, opna á Standard-tígli. Þetta var í Reykjavíkurmótinu á þriðjudaginn.

Stefáni hugnaðist ekki bókarsögnin 1G og sagði 1♠ á þrílitinn! Eintreður Stebbi strý. Þegar Gunnar Björn sýndi 12-14 flata með endursögn á grandi hækkaði Stefán í 2G út á laufið góða. Tvítreður Stebbi strý. Gunnar átti 13 punkta og grandleg spil og lyfti í geim.

Út kom hjarta upp á ás og spaði til baka í þeirri viðleitni að taka af blindum hliðarinnkomuna. Það gekk ekki. Gunnar setti upp drottninguna og dúkkaði kónginn. Laufið lá vel og níu slagir rúlluðu fyrirhafnarlaust heim. Strý var ekki troðið nema Stebbi træði strý.