Átök Áhugafólk um 17. aldar ofbeldi og grimmd ætti að fá sitthvað fyrir sinn snúð í nýjum myndaflokki, Shogun, sem byggist á samnefndri skáldsögu James Clavells frá 1975. Fremstir í flokki eru Toranaga lávarður, sem Hiroyuki Sanada leikur, og bandamaður hans, hinn strandaði breski sjómaður John Blackthorne, leikinn af Cosmo Jarvis. Margir muna eftir öðrum myndaflokki eftir sömu sögu úr áttunni en þá var Richard Chamberlain í aðalhlutverki. Hermt er að menn takist á af meiri hreysti nú en þá, í öllu falli fylgja stiklunum viðvaranir. Nálgast má Shogun á Disney+ frá og með þriðjudeginum.