Seltjarnarnesið Lúðvík Thorberg Arnkelsson úr Gróttu sækir að marki Víkings en Halldór Ingi Óskarsson er til varnar.
Seltjarnarnesið Lúðvík Thorberg Arnkelsson úr Gróttu sækir að marki Víkings en Halldór Ingi Óskarsson er til varnar. — Morgunblaðið/Kristinn Magnússon
Grótta vann öruggan sigur á Víkingi í úrvalsdeild karla í handknattleik í gærkvöld þegar liðin mættust á Seltjarnarnesi en lokatölur urðu 32:24. Þar með komst Grótta að hlið Stjörnunnar í sjöunda og áttunda sæti en Víkingar eru áfram næstneðstir í deildinni

Grótta vann öruggan sigur á Víkingi í úrvalsdeild karla í handknattleik í gærkvöld þegar liðin mættust á Seltjarnarnesi en lokatölur urðu 32:24.

Þar með komst Grótta að hlið Stjörnunnar í sjöunda og áttunda sæti en Víkingar eru áfram næstneðstir í deildinni.

Grótta náði undirtökunum í fyrri hálfleik og staðan var 14:11 að honum loknum. Seltirningar skoruðu síðan þrjú fyrstu mörk síðari hálfleiks, 17:11, og héldu því forskoti að mestu leikinn á enda.

Jakob Ingi Stefánsson skoraði fimm mörk fyrir Gróttu, Ágúst Emil Grétarsson og Jón Ómar Gíslason fjögur mörk hvor. Jóhann Reynir Gunnlaugsson var markahæstur Víkinga með fimm mörk.