Norður ♠ 8743 ♥ ÁKD5 ♦ ÁKG ♣ D7 Vestur ♠ KDG105 ♥ 94 ♦ 73 ♣ G642 Austur ♠ 92 ♥ G1063 ♦ D84 ♣ K983 Suður ♠ Á6 ♥ 872 ♦ 109652 ♣ Á105 Suður spilar 3G

Norður

♠ 8743

♥ ÁKD5

♦ ÁKG

♣ D7

Vestur

♠ KDG105

♥ 94

♦ 73

♣ G642

Austur

♠ 92

♥ G1063

♦ D84

♣ K983

Suður

♠ Á6

♥ 872

♦ 109652

♣ Á105

Suður spilar 3G.

Eftir langvinnt skrölt á netinu datt Gölturinn niður á ævintýralegt varnarspil, sem hann taldi víst að myndi gleðja fuglana – 3G með spaðakóng út. Suður dúkkar, fær næsta slag á spaðaás og svínar tígulgosa. „Nú er að sjá hvað þið eruð liðugir.“

Magnús mörgæs tók strax við sér: „Ég spila laufkóng – ræðst á innkomuna áður en sagnhafi nær að afblokka tígulinn.“

„Rétt, en bara byrjunin,“ svaraði Gölturinn. „Þú færð að eiga slaginn.“

„Ég skil,“ sagði Magnús eftir nokkra athugun: „Það á að henda mér inn á fjórða hjartað. Það mun aldrei verða. Ég geymi hjartaþristinn fram í rauðan dauðann og makker fær tvo síðustu slagina á spaða.“

„Þetta eru miklir fimleikar,“ sagði Óskar ugla íbygginn: „Afturábak heljarstökk með tvöfaldri skrúfu.“