Ingi Darvis Rodriguez
Ingi Darvis Rodriguez
Ingi Darvis Rodriguez úr Víkingi í Reykjavík og Sól Kristínardóttir Mixa úr BH í Hafnarfirði urðu Íslandsmeistarar í einliðaleik í borðtennis en Íslandsmótinu lauk í Digranesi í Kópavogi á sunnudag. Ingi varð meistari í annað sinn en hann vann áður árið 2020

Ingi Darvis Rodriguez úr Víkingi í Reykjavík og Sól Kristínardóttir Mixa úr BH í Hafnarfirði urðu Íslandsmeistarar í einliðaleik í borðtennis en Íslandsmótinu lauk í Digranesi í Kópavogi á sunnudag. Ingi varð meistari í annað sinn en hann vann áður árið 2020. Ingi varð jafnframt þrefaldur Íslandsmeistari í ár því hann vann tvíliðaleikinn með Magnúsi Jóhanni Hjartarsyni úr Víkingi og tvenndarleikinn með Evu Jósteinsdóttur úr Víkingi.

Sól varð Íslandsmeistari í einliðaleik í fyrsta skipti og er fyrst kvenna úr BH til að hljóta titilinn. Þá varð hún tvöfaldur meistari með því að vinna tvíliðaleikinn ásamt Aldísi Rún Lárusdóttur úr KR.