Birgir Ármannsson, forseti Alþingis, segir að þingmenn hafi verið slegnir við atburði gærdagsins á þingi.
„Auðvitað var öllum mjög brugðið. Margir þingmenn voru í salnum og þeim var augljóslega brugðið,“ segir Birgir.
Ekki hafi verið annað hægt en að gera hlé á þingfundi á meðan komið var ró á aftur. Tvívegis var gert hlé, fyrst í fimm mínútur og svo í tíu mínútur, áður en haldið var áfram.
Hann kvaðst ekki átta sig fyllilega á fyrirætlan mannsins.
„Hann gerði sig í það minnsta líklegan til að stökkva eða láta sig falla niður, en þingverðir eða lögregla náðu að draga hann aftur yfir og fjarlægja hann,“ segir Birgir.
Forseti Alþingis segir þetta tilefni til þess að fara yfir öryggismál á Alþingi. „Öryggismál þingsins eru í stöðugu mati frá degi til dags og það fólk hjá okkur sem ber ábyrgð á öryggismálum er í þéttu og góðu sambandi við lögregluna. En alltaf þegar atvik eiga sér stað þá er farið yfir það og metið hvort grípa þurfi til einhverra ráðstafana.“
Til baka
Leita í greinasafni
Prenta grein