— Morgunblaðið/Árni Sæberg
Gröfur og aðrar stórvirkar vinnuvélar stóðu í stórræðum í gær við fyrirhugaðan Arnarnesveg þegar ljósmyndara Morgunblaðsins bar þar að garði. Nú er unnið að þriðja áfanga verkefnisins og hefur vinnan gengið vel

Gröfur og aðrar stórvirkar vinnuvélar stóðu í stórræðum í gær við fyrirhugaðan Arnarnesveg þegar ljósmyndara Morgunblaðsins bar þar að garði. Nú er unnið að þriðja áfanga verkefnisins og hefur vinnan gengið vel.

Vegurinn á að tengja saman byggðina í Reykjavík og Kópavogi og eru markmiðin meðal annars þau að auka umferðaröryggi, stytta ferðatíma og létta á umferð við Vatnsendaveg. Mun vegurinn stytta viðbragðstíma slökkviliðs og lögreglu í efri byggðum Reykjavíkur og Kópavogs.

Áætlað er að verkinu ljúki um haustið 2026.