Norður
♠ K943
♥ D106
♦ 1073
♣ Á103
Vestur
♠ G7
♥ K987543
♦ DG85
♣ --
Austur
♠ Á10852
♥ G
♦ Á964
♣ D92
Suður
♠ D7
♥ Á2
♦ K2
♣ KG87654
Suður spilar 3G.
„Menn segja að mistök séu óhjákvæmileg við spilaborðið.“ Gölturinn var í heimspekilegum ham: „Ég held ekki – öll réttnefnd mistök má greina og lagfæra. Hins vegar verður aldrei hægt að forðast óheppilegar ákvarðanir.“
Gölturinn lagði fram nýlegt dæmi úr pólsku meistaradeildinni. Á öðru borðinu vakti vestur á 4♥ og spilaði þann samning ódoblaðan, tvo niður. Hinum megin opnaði vestur á 3♥ og suður sagði 3G í fjórðu hendi upp á von á óvon. Það reyndist vel til fundið, því níu slagir eru borðleggjandi með því að hitta í laufið. Sem er sjálfgefið eftir sagnir.
„Voru það mistök að opna bara á þremur hjörtum?“ spurði Gölturinn og fuglunum vafðist tunga um tönn. „Ég held ekki,“ hélt hann sjálfur áfram, „en ákvörðunin var vissulega óheppileg.“