Tveir nýir forstjórar heilbrigðisstofnana tóku til starfa 1. mars sl. Þetta eru þau Guðlaug Rakel Guðjónsdóttir, forstjóri Heilbrigðisstofnunar Suðurnesja, og Lúðvík Þorgeirsson, forstjóri Heilbrigðisstofnunar Vestfjarða. Heilbrigðisráðherra skipaði í embættin til fimm ára í senn.
Guðlaug Rakel er hjúkrunarfræðingur að mennt. Hún er einnig með meistaranám í viðskiptafræði frá Háskóla Íslands. Frá árinu 2000 hefur hún sinnt ýmsum stjórnunarstörfum innan heilbrigðiskerfisins. Árið 2019 tók hún við starfi framkvæmdastjóra meðferðarsviðs Landspítala þar til hún var sett tímabundið í embætti forstjóra haustið 2021.
Lúðvík er viðskiptafræðingur með M.Sc.-gráðu í fjármálum fyrirtækja frá Háskólanum í Reykjavík og leggur stund á nám í opinberri stjórnsýslu við Háskóla Íslands með áherslu á mannauðsstjórnun. Síðastliðin fjögur ár hefur Lúðvík gegnt stöðu rekstrarstjóra hjá félags- og vinnumarkaðsráðuneytinu. Áður starfaði hann m.a. hjá FME.