Höskuldur Þráinsson sendi mér póst og spurði hvort ég kannaðist við manninn: „Þú birtir oft vísnagátur í Mogganum. Þær eru yfirleitt með sama sniði. Hér kemur aftur á móti ein sem er öðruvísi. Í þessu tilviki á að geta upp á því hvaða maður er til umræðu!“:
Mjög vel þekkt er mannsins fés,
í Mogganum ég þetta les:
Aldrei mjög sér hélt til hlés,
hættur samt að stjórna SES.
Ólafur Stefánsson óskar mér til hamingju með daginn og segist hafa lesið í Mogganum sínum að Halldór Blöndal væri að hætta sem formaður Eldri sjálfstæðismanna í Reykjavík eftir langt og giftudrjúgt starf.
Hann kveður í kurteisi' og sátt,
karlana' í Valhöllu brátt,
hvar rætt er af rögg
yfir ræðum og glögg,
og litrófið löngum er blátt.
Jón Jens Kristjánsson skrifar á Boðnarmjöð: „Hannes Hólmsteinn ritar á Moggabloggið í morgun pistil sem heitir fríverslunarsinninn Snorri, þar segir m.a. „og kemur hún gleggst fram í ræðu Einars Þveræings, sem Snorri samdi auðvitað sjálfur“.“
Prófessorinn virðist flestallt vita
var hann staddur þá í innsta hring
er Snorri var í Reykholti að rita
ræðuna fyrir Einar Þveræing.
Helgi Ingólfsson bætir við:
Prófessorsins heiður máske’ er hálfur,
hann hefur stundum lagt á tæpast vað.
Kannski’ hann hafi samið hana sjálfur
og sagt hana í Snorra orðastað.
Hallmundur Guðmundsson yrkir Kanaríljóð:
Núna er sem áður hér
að æði ég um trissur.
Svo er alltaf unun mér
að aldrei ét ég pizzur.
Eyjólfur Ó. Eyjólfsson yrkir:
Þótt stormur með stórveðragný
stiki um hlaðið á ný
þá inni í mér leynist
ljósið sem treinist
og vorið það veit hvar ég bý.
Ekki er það gott – Davíð Hjálmar Haraldsson um „síðvetrarhláku“:
Þynnast fannir þegar hlánar.
Þánuð hræ ég víða lít
og reyni að forðast rottur dánar
en renn þá til í hundaskít.
x¶Það er líkt og ylur í¶ómi sumra braga.¶Mér hefur hlýnað mest af því¶marga kalda daga.¶Jóhanna Friðriksdóttir ljósmóððir kvað:¶Þegið gætni, heimska, hik,¶héðan þó ég víki.¶Ég ætla að skreppa augnablik¶inn í himnaríki.¶Tryggvi H. Kvaran orti um mann, sem var í þingum við gifta konu:¶Gulls hjá niftum ungum er¶Ari sviftur vonum,¶hefur skipti og hallar sér¶helst að giftum konum.¶Öfugmælavísan:¶Hákarlarnir tíu og tólf¶taka sig í flokka,¶allir þeir í efra hólf¶upp á móti brokka.