Norður
♠ K64
♥ D982
♦ 742
♣ D74
Vestur
♠ DG2
♥ 10
♦ ÁDG986
♣ 932
Austur
♠ Á109853
♥ 75
♦ K
♣ G1086
Suður
♠ 7
♥ ÁKG643
♦ 1053
♣ ÁK5
Suður spilar 4♥.
„Ég las á Vísindavefnum að bitkraftur krókódíla sé þrjátíufaldur á við bit stórra hunda.“ Fróðleikur á netinu er af ýmsu tagi og ekki alltaf málinu viðkomandi. Óskar ugla var að leita dæma um sérstakt bragð í vörn, sem kallað er „crocodile coup“ á ensku og „krókódílatak“ í þýðingu Jóns Hjaltasonar. Óskar fann ágæt dæmi og pikkaði upp í leiðinni ýmsar upplýsingar um þessa forsögulegu skepnu, sem er víst til í 23 afbrigðum og getur orðið meira en 100 ára gömul.
Krókódílatak í brids felst í því að gleypa háspil makkers til að forða innkasti. Hér spilar suður 4♥ eftir opnun vesturs á 2♦, veikum. Út kemur spaðadrottning og meiri spaði. Suður trompar, tekur tvisvar tromp, stingur þriðja spaðann og hreinsar upp laufið. Spilar svo tígli að heiman. Og þá er eins gott að króksi í vestur sé vakandi og glenni upp ginið.