Framkvæmdastjórn Evrópusambandsins mælir formlega með því við aðildarríki sambandsins að hafnar verði formlegar aðildarviðræður við Bosníu-Hersegóvínu.
Landið hefur verið í umsóknarferli frá árinu 2022 en þurfti að uppfylla ýmis skilyrði um umbætur áður en formlegar viðræður gætu hafist.
Ursula von der Leyen forseti framkvæmdastjórnarinnar sagði á Evrópuþinginu í gær að stjórnvöld í Bosníu hefðu sýnt fram á að þau uppfylltu aðildarskilyrði og að íbúar landsins vildu aðild að ESB.
Stríðið í Úkraínu hefur leitt til þess að ESB leggur nú aukna áherslu á stækkun í Mið- og Austur-Evrópu.
Skrifað undir í Nuuk
Þá var tilkynnt í vikunni að von der Leyen myndi á föstudag skrifa undir samning um rekstur sérstakrar skrifstofu Evrópusambandsins í Nuuk á Grænlandi. Mette Frederiksen forsætisráðherra Danmerkur og Múte B. Egede, formaður grænlensku landsstjórnarinnar, skrifa einnig undir samninginn. Danska utanríkisráðuneytið sagði að skrifstofan myndi styrkja núverandi samstarf um fiskveiðar og menntun.
Til baka
Leita í greinasafni
Prenta grein