Ljóðskáldin Ilya Kaminsky og Katie Farris spjalla við Fríðu Ísberg, Brynju Hjálmsdóttur og Þórdísi Helgadóttur um ljóðlistina og lesa upp úr verkum sínum annað kvöld, þann 14. mars, kl. 20 í Mengi.
Ilya Kaminsky fæddist 1977 í Ódessa í Úkraínu en fluttist 1993 til Bandaríkjanna. Hann skrifaði m.a. verðlaunabókina Dansað í Ódessa árið 2004, en hún kom út í íslenskri þýðingu Sigurðar Pálssonar og Sölva Björns Sigurðssonar 2018. Nýjasta ljóðabók hans, Deaf Republic (2019), kemur fljótlega út á íslensku, í þýðingu Aðalsteins Ásberg Sigurðssonar. Katie Farris er bandarískt skáld og þýðandi. Nýjasta bók hennar, Standing in the Forest Being Alive (2023), hefur hlotið frábærar viðtökur, segir í tilkynningu.