Almenningur hefur áhyggjur af mokstri útlendinga inn í landið, enda framkvæmdinni komið til ákafamanna, uppfullra af kenjum og afbökuðum pólitískum grillum, sem eru fjarri því að vera heppileg fyrir landann sem fyrir er.
Löggæsla og ákæruvald vita hvar skórinn kreppir í lagasetningu um útlendinga. Opingáttarstefna síðustu ára skaðar íslenskt samfélag. Vegna lagasetningar Alþingis eiga lögregla og ákæruvald óhægt um vik að vísa frá glæpamönnum sem eiga ekkert erindi hingað. Útlendingar eru rétthærri á Íslandi en heimamenn, eins og Páll Vilhjálmsson lætur „tilfallandi athugasemdir“ falla um:
Hann segir: „Múslími kemur til Íslands sem hælisleitandi. Hann hótar fólki hægri vinstri lífláti, stundar þjófnað og alvarlegar líkamsárásir samtímis sem maðurinn er á framfærslu hins opinbera. Helgi M. Gunnarsson vararíkissaksóknari, sem hefur orðið fyrir barðinu á múslímska ofbeldismanninum, segir alþingismenn ábyrga fyrir ástandinu.“
Og á það er bent að „vinstrimenn eru í meirihluta. Þorri þeirra er alþjóðasinnaður og þó nokkrir hatast við þjóðina sem þeir eiga að þjóna. Tryggð og trúnaður þessa safnaðar er ekki við íslenskt heldur útlent.
Síðustu ár er starfræktur hælisiðnaður hérlendis sem leggur ofurkapp á að flytja inn múslíma. Þrátt fyrir að upplýsingar liggi fyrir um afbrotahneigð þeirra.“
Til baka
Leita í greinasafni
Prenta grein