Rúnar Óskarsson klarinettleikari og Helga Bryndís Magnúsdóttir píanóleikari halda tónleika í Norðurljósum í Hörpu á morgun, sunnudaginn 17. mars, kl. 16 en þeir eru hluti af tónleikadagskrá Sígildra sunnudaga. Rúnar og Helga munu leika fjölbreytta efnisskrá sem samanstendur af þremur norrænum verkum frá 20. öld auk sónötu eftir Johannes Brahms.
Um efnisskrána segir í tilkynningu: „Norrænu verkin eru af ólíkum toga, þó að hugsanlega megi greina þar einhvern samnorrænan þráð eða hljóm. Elsta verkið er frá 1978 eftir finnska tónskáldið og hljómsveitarstjórann Esa-Pekka Salonen og það nýjasta er Sónatína eftir Áskel Másson frá árinu 1998. Þriðja norræna verkið er stutt fantasía eftir Norðmanninn Olav Berg. Eftir hlé verður leikin sónata í Es dúr eftir Brahms.“
Til baka
Leita í greinasafni
Prenta grein