Norður
♠ KG108752
♥ 92
♦ 10
♣ ÁK9
Vestur
♠ 96
♥ K8653
♦ ÁG85
♣ 86
Austur
♠ –
♥ D1074
♦ K7632
♣ G1052
Suður
♠ ÁD43
♥ ÁG
♦ D94
♣ D743
Suður spilar 6♠.
„Takk, makker – þú hittir á eina útspilið sem gefur slemmuna.“ Kaldhæðnar athugasemdir af þessum toga heyrast ekki oft í spilasölum nú á dögum tillitssemi og rétthugsunar. „Það má ekkert lengur,“ kvartar Gölturinn, sem lítur á það sem sjálfsögð mannréttindi að skamma makker fyrir minnstu misgjörðir. Og það að gefa slemmu á útspili er engin smá synd og kallar á harða refsingu.
En Gölturinn var fjarri góðu gamni þegar spilið að ofan kom upp hjá BR á þriðjudagskvöldið. Yfirleitt varð suður sagnhafi í 6♠ eftir grandopnun og yfirfærslu. Laufið fellur ekki og því lekur slemman hægt og hljótt niður – nema vestur sé svo ólánsamur að spila út tígulás. Með því móti setur hann austur í þá óþægilegu stöðu að þurfa að valda tígulinn með laufinu. Og það getur hann ekki.
„Ég hefði sennilega ekki getað stillt mig,“ játaði Gölturinn.