Norður
♠ ÁK102
♥ 962
♦ D109853
♣ –
Vestur
♠ 76
♥ D8
♦ –
♣ ÁD10875432
Austur
♠ G853
♥ ÁKG7
♦ 764
♣ G9
Suður
♠ D94
♥ 10543
♦ ÁKG2
♣ K6
Suður spilar 4G.
„Ég gekk í 500-klúbbinn nýlega,“ skrifar Vigfús Pálsson í tölvubréfi, minnugur þess að Daninn Christian Lahrmann var hársbreidd frá því að öðlast inngöngu í 2000-klúbbinn svokallaða, en inngönguskilyrðin í þann vafasama klúbb eru þau ein að fara 2000 niður. Auðvitað er ekki tiltökumál að fara 500 niður í dobluðu spili, en Vigfús var ekki doblaður og ekki einu sinni á hættunni. Þetta var í keppni hjá eldri borgurum í Reykjavík: Vigfús í suður, Jakob R. Möller í norður, Elín Guðmannsdóttir í vestur og Friðgerður Benediktsdóttir í austur.
Elín var gjafari og opnaði á 3♣ með nílitinn. Jakob kom inn á 3♦, Friðgerður passaði og Vigfús sagði 3G. Elín barðist í 4♣, en Vigfús hélt sínu striki og sagði 4G. Allir pass, hjartadrottning út (!) og vörnin tók ALLA slagina: 500 niður, en ekki alveg toppur í AV því 5♣ unnust dobluð á einu borði (550).