Norður
♠ 105
♥ ÁD7
♦ Á102
♣ D9874
Vestur
♠ –
♥ 10865
♦ KDG73
♣ K652
Austur
♠ ÁD9843
♥ K43
♦ 5
♣ G103
Suður
♠ KG762
♥ G92
♦ 9864
♣ Á
Suður spilar 2♠ doblaða.
„Ég veit ekki hvort er vafasamara – doblið eða passið.“ Óskar ugla var að horfa á beina útsendingu á Vanderbilt-útslættinum á BBO, stærsta viðburði bandarísku vorleikanna, sem nú standa yfir í Louisville, Kentucky. Spil frá leik Zimmermanns og Hans í 16-liða úrslitum vakti þessi viðbrögð uglunnar. Pierre Zimmermann í suður opnaði á 2♠, vestur doblaði og austur sagði pass. Tígulkóngur út.
Zimmermann spilaði vel. Hann drap á tígulás, fór heim á laufás og lét hjartagosann svífa yfir á kóng austurs. Austur spilaði hjarta um hæl og Zimmermann notaði innkomur blinds á ♥ÁD til að trompa tvö lauf. Þá var hann kominn með sex slagi og hlaut alltaf að fá tvo í viðbót á ♠KGx.
„Doblið er mun vafasamara,“ sagði Magnús mörgæs: „Austur fékk fimm slagi og vestur engan!“