Í Wroclaw
Víðir Sigurðsson
Bjarni Helgason
Ísland verður að sætta sig við að komast ekki í lokakeppni Evrópumóts karla í knattspyrnu eftir ósigur gegn Úkraínu í úrslitaleiknum í Wroclaw í Póllandi í gærkvöld, 2:1.
Albert Guðmundsson kom Íslandi yfir á 30. mínútu með glæsilegu marki og þannig var staðan í hálfleik.
Úkraínumenn virtust hafa jafnað á 39. mínútu þegar Roman Yaremchuk skoraði en markið var dæmt af með myndbandsdómgæslu.
Úkraína sótti af miklum krafti frá byrjun síðari hálfleiks og Viktor Tsygankov jafnaði metin á 54. mínútu
Íslenska liðið fékk færi til að komast yfir á góðum kafla seint í leiknum þegar Andriy Lunin varði glæsilega frá Jóni Degi Þorsteinssyni og þeir Albert og Hákon Arnar Haraldsson voru líka nærri því að skora
Mykhailo Mudryk, leikmaður Chelsea, skoraði hinsvegar sigurmarkið á 84. mínútu og skaut Úkraínu á EM.